ہفتہ، 30 جون، 2018

انسان اور انسانیت ابھی زندہ ہے

تحریر ۔۔ محمد دین

اندرون سندھ, محراب پور کے قریب گوٹھ💞 "نوّں پوترا"💖  کے مکینوں کا یادگار کردار

آج 27 up شالیمار ایکسپریس کراچی سے لاہور جاتے ہوئے محراب پور سے چند کلو میٹر آگے ایک بڑے حادثہ سے بال بال بچی.🌹الحمدوللّہ🌷 ٹرین جبکہ تیز رفتاری سے سفر کر رہی تھی تو اکانومی کلاس کی ایک بوگی کے پہیے ہی ٹرین سے تقریبآَ الگ ہو گئے.ٹرین ڈرائیور نے بروقت بریک لگا کر ٹرین کو روک لیا.
سخت گرمی میں دو بڑے سٹیشنوں کے درمیان ٹرین ایسی جگہ کھڑی تھی کہ جہاں کسی آبادی کا نام و نشان نہ تھا. مسافر سخت پریشان. بچوں کے رونے دھونے کی آوزیں. خواتین گرمی میں بے حال اور اس پر مزید یہ کہ بقول ٹرین سٹاف, امدادی کاروائیوں میں چھ گھنٹے لگ سکتے ہیں.
اس بے آباد جگہ پر عجب بے بسی کا احساس اور کچھ نہیں سوجھ رہا تھا کہ کیا کریں.
اچانک ایک ایسا منظر دیکھا کہ جسے الفاظ میں بیان کرنے کا میں اپنے اندر حوصلہ نہیں پاتا. وہ منظر دیکھ کر بے اختیار , زار و قطار میری آنکھوں سے اشک رواں تھے.  درختوں کے بیچ کھیتوں کے درمیان نہ جانے کدھر سے قریبی دیہات کے باسی قطار اندر قطار آنا شروع ہو گئے.
عجیب منظر تھا.
کسی نے پانی کا کولر اٹھایا ہوا ہے اور کسی نے گھڑا. کوئ جگ اٹھاے ہوے ہے اور کوئ دودھ کا برتن. اپنی پگڑی میں کوئ بزرگ برف کا تحفہ لا رہا ہے اور کچھ نوجوان بوریاں بھر کر برف لا رہے ہیں. ہر ایک کی خواہش ہے کہ مسافر اسے خدمت کا موقع دیں.
چند منٹوں میں چنے چاول پلاؤ کی بھری ہوئ دیگ ایک رکشہ پر لائ گئ. غریب لوگوں کے پاس قیمتی برتن نہ تھے تو چاول کھلانے کے لیے مٹی کی بنی ہوئ پلیٹیں اٹھاے ہوے تھے. آتے ہی سب کھانے پینے کی چیزیں بانٹنا شروع کر دیں. ایک عمر رسیدہ شخص کپڑے میں ٹھنڈے پانی کی بوتلیں لاے تھے.
گاؤں کے نوجوانوں کا کردار مثالی تھا. گرمی کی شدت سے بے نیاز  تمتاتے چہروں کے ساتھ ایک جنونی انداز میں امدادی کام میں شریک تھے.
نہ مدد کرنے والے جانتے تھے کہ وہ جس کی مدد کر رہے ہیں وہ کس صوبے, کس ذات برادری, کس مزہب سے تعلق رکھتا ہے اور نہ پریشان حال مسافر جانتے تھے کہ ان کی مدد کرنے والے فرشتہ صفت لوگ کہاں سے آئے ہیں؟
بس ایک ہی رشتہ تھا, انسانیت کا, پاکستانیت کا اور احسان کا.
اسی دوران اطلاع ملنے پر پولیس کے مقامی افسر اللّہ رکھیو رند بھی اپنی پولیس پارٹی کے ہمراہ پہنچ گئے اور اپنے فرائض سنبھال لیے.
میں نے گاؤں کے ان نیک سیرت امدادی کارکنوں سے انفرادی طور پر مل کر ان کا شکریہ ادا کیا اور دل کی گہرائیوں سے انہیں دعائیں دیں. وہ انسانی ہمدردی کے جزبہ سے سرشار سادہ دل لوگ بے حد خوش نظر آ رہے تھے کہ انہیں خدمت کا موقع ملا.
اسی دوران ریلوے کی امدادی کاروائیاں مکمل ہوئیں تو ٹرین کو واپس محراب پور  لانے کا فیصلہ ہوا. ٹرین کی روانگی کے وقت ان دیہاتوں کے امدادی کارکن اس طرح ہاتھ ہلا کر الوداع کہہ رہے تھے جیسے اپنے کسی بہت خاص عزیز کو رخصت کیا جاتا ہے. ہماری آنکھوں میں بھی تشکر کے آنسو تھے.
چند گھنٹوں کی یہ رفاقت بہت سے سبق دے گئ کہ ہمارے پاکستان کے عوام کتنے اچھے ہیں, ہمدرد, دکھ درد بانٹنے والے, مصیبت میں کام آنے والے, اپنا پیٹ کاٹ کر دوسروں کی مدد کرنے والے اور فرض شناس.
اس جزبے اور ایثار کو میں کوئ نام دینے اور الفاظ میں ڈھالنے سے قاصر ہوں. مٹی کا گھڑا اٹھاے وہ سادہ سا دیہاتی شخص اور  مٹی کی پلیٹوں میں کھلایا جانے والا پلاؤ انمول تھا.
اللّہ تعالیٰ ان سب کو جزائےعظیم دے, ان کے رزق میں وسعت وبرکت عطا فرمائے اور ان کو دنیا و آخرت کی بھلائ عطا فرماے. آمین

اچھی بات کو پھیلانا بھی نیکی ہے. اس تحریر کو پڑھ کر زیادہ سے زیادہ شیئر کریں تاکہ معاشرہ میں بھلائ اور نیکی عام ہو. میں یہ تحریر جائے حادثہ پر ہی لکھ کر محراب پور سٹیشن سے پوسٹ کر رہا ہوں
Muhammad Deen

واقعہ کی تصاویر ملاحظہ فرمائیں.

جمعہ، 29 جون، 2018

مرشد پاک ۔۔۔سچی کہانی ۔۔یاسر جاپانی




سخت گرمی کا موسم تھی۔

"بھوک پیاس افلاس" کی شدت تھی۔

لیکن "مرشد" مجبور تھے۔

سفر کئے بغیر چارہ نہیں تھا۔ غریب عوام کی "حاجت روائی مشکل کشائی" کا فریضہ انجام دیناتھا۔

"عوام الناس" بہت دکھی تھی۔ کوئی سر پہ دستِ شفقت رکھنے والا نہیں تھا۔

ایک طویل تھکا دینے والا سفر کرکے "مرشد" نے اس "وحشت زدہ" شہر میں قدم رنجہ فرمایا تھا۔

منزل مقصود پر پہونچتے ہی "مرشد" پر "بھوک و پیاس" نے شدت سے حملہ کر دیا۔
"مرشد " نے آسمان کو دیکھا نیچے زمین کو دیکھا۔
لوگوں سے "کھانا پانی" کا تقاضا کیا۔

لوگ " بے راہرو راہنجار" تھے۔ "مذہب" سے دوری لوگوں کے چہروں پر نحوست برسا رہی تھی۔

ہر طرف سے "انکار" ہوا۔

ایک قصائی چھیچھڑے اور ھڈیاں علیحدہ کرکرکے دکان کے تھڑے تلے بیٹھے کتوں کے سامنے پھینک رہا تھا۔

قصائی کی نظر اچانک ۔۔۔۔۔"مرشد " پر پڑی تو اس کے "دل" میں رحم کا جھماکا ہوا۔۔۔۔۔۔اور قصائی نے سب سے اچھا گوشت کا ٹکڑا کاٹ کر "مرشد" کی خدمت میں پیش کردیا۔

"مرشد" گلی گلی لوگوں کے در در پھرے کہ کوئی "آگ" دےدے تاکہ "گوشت" بھون کر اپنی بھوک مٹا سکیں۔

لیکن "بے رحم و ظالم" لوگوں نے "آگ" نہ دی۔

"مرشد" کو جلال آگیا۔۔اینج کرکے۔۔۔

مرشد نے ہاتھ لمبا کیا اور "سورج" کو اینج کرکے نیچے لے آئے اور سورج کی تپش سے "گوشت " کا ٹکڑا بھون کراپنی بھوک مٹائی۔

بس اس دن کے بعد "شہر" کے لوگوں کو سزا کے طور پر مسلسل صدیوں سے سورج کی "گرمی" سے ساڑے ہی جارہے ہیں۔

قصائی کے احسان کا صلہ اسطرح عطا کیا کہ
قصائی کو "برف کا کار خانہ " عطا کر دیا۔

اب قصائی مزے سے ٹھنڈے برف خانے میں بیٹھے برف بیچ رہا ہوتا ہے۔

اور ملتانی ۔۔۔۔۔۔۔استغفراللہ
ملتان تاں بھوں گرمی پیندی ھو۔۔۔۔۔۔اللہ ھو۔

نوٹ؛- چیلنج کیا جاتا ہے کہ کوئی بھی مائی کا لال اس کہانی کو جھوٹا ثابت کرکے دکھائے۔۔
ہاں۔۔۔۔۔۔پُرتقدس انداز میں بیان کوئی بھی کر سکتا ہے۔۔

اور انیس بیس کا فرق تو چل ہی جاتا ہے۔۔انداز اپنا اپنا :D

دلچسپ بات ایک یہ بھی ہے کہ "تمام" مرشدان پاک موجودہ دور کے سیاستدانوں کیطرح علاقے بانٹا کرتے تھے۔

جمعرات، 28 جون، 2018

کیا عمران خان ہنی ٹریپ کا شکار ہوچکے ہیں؟؟ ۔۔ مہتاب عزیز






کیا عمران خان ہنی ٹریپ کا شکار ہوچکے ہیں؟؟

حالات تو اسی جانب اشارہ کر رہے ہیں کہ تحریک انصاف کے سربراہ اس جال میں پھنس چکے ہیں۔ یہاں یہ سوال پیدا ہوتا ہے کہ 66 سال کا جہاندیدہ سیاستدان کیا دامِ الفت (honey trap) کا شکار ہو سکتا ہے؟
اس کا جواب ہاں میں ہے، دنیا کے کئی سیاسی اور عسکری رہنماوں کی مثالیں دی جا سکتی ہیں۔ جہیں ڈھلتی یا آخری عمر میں دامِ الفت (honey trap) میں پھنسا کر استعمال کیا گیا۔

خصوصا پاکستانی سیاستدانوں اور فوجی سربراہوں کے ریکارڈ تو اس سلسلے میں بہت خراب ہے۔ یوں تو اس دامِ الفت (honey trap) میں پھنسنے والوں میں پہلے وزیر اعظم نوابزادہ لیاقت علی خان کا نام بھی لیا جاتا ہے۔ جن کا تعلق پنجاب کے علاقے کرنال سے تھا۔ جنہوں نے 38 سال کی عمر میں دوسری شادی بیگم رعنا سے 1936 میں ہوئی۔ بیگم رعنا کی پیدائش ہندوستان کے علاقے اترکھنڈ میں الموڑہ کے مقام پرایک عیسائی خاندان میں ہوئی اور ان کے والد ڈینیل پنت نے ان کا نام شیلا آئرین پنت رکھا تھا۔ شیلا آئرین پنت نے بعد میں لیاقت علیخان کی محبت میں گرفتار ہو کر اپنا مذہب تبدیل کیا۔ اور شادی کے بعد رعنا لیاقت علی خان بن گئیں۔ پاکستان آرمی نے انہیں پہلی خاتون بریگیڈئر جنرل کا اعزاز دیا۔آپ نے پاکستان کی پہلی خاتون سفیر کے طور نیدرلینڈ، اٹلی اور تیونس میں خدمات سرانجام دیں۔ وہ ذوالفقار علی بھٹو کی کابینہ میں وزیر رہیں۔بعدازاں بھٹو نے انہیں سندھ کی پہلی خاتون گورنر کے طورپر تعنیات کیا۔ بیگم رعنا پاکستان میں خواتین کو گھروں سے نکالنے، آزاد خیالی اور پردے کی مخالفت کی بانی ہیں۔ انہوں نے اپوا کی بنیاد رکھی جس نے پاکستان کی ابتدا سے شرعی قوانین کے نفاذ کی مخالفت کی۔

دامِ الفت (honey trap) کا باقاعدہ شکار ہونے والا پہلا پاکستانی سربراہ گورنر جنرل غلام محمد تھا۔ فالج کا شکار یہ معذور شخص آخری عمر میں ایک جرمن نژاد امریکی خاتون روتھ بورال کی زلف کا اسیر ہوا۔ یہ ایک ایسا سربراہ تھا فالج کی وجہ سے جس کی زبان بھی کوئی نہیں سمجھ سکتا تھا۔ اور نہ ہی یہ کسی کاغذ پر دستخط کر سکتا تھا۔ اس کے بیانات اورہر طرح کے احکامات پر دستخط اس کی امریکی سیکریٹری ہی جاری کرتی تھی۔ اس حالت میں اس نے امریکیوں کو پہلی بار پاکستان میں مداخلت کا موقعہ دیا۔ اور پشاور کے نزدیک بڈبھیر کا ہوائی اڈا امریکیوں کو دیا۔ اسی نے اسمبلیاں توڑ کر غلط رسم کا آگاز کیا، امریکہ میں تعینات پاکستانی سفیر محمد علی بوگرا کو اچانک وزیر اعظم مقرر کر کے پورے ملک کو حیران کر دیا۔ یہی دور تھا جب پاکستان امریکی کالونی بنا۔

امریکی میں تعنات پاکستانی سفیر کو اچانک پاکستان کا تیسرا وزیراعظم محمد علی بوگرہ بنائے گئے تھے۔ جن کے دور میں پاکستان میں امریکیوں کو خصوصی مراعات حاصل ہوئیں۔ بوگرا صاحب بھی امریکی میں تعناےی کے دوران دامِ الفت کا شکار ہوئے۔ انکی دوسری بیوی عالیہ سدی لبنانی نژاد امریکی خاندان سے تعلق رکھتی تھیں۔

پاکستان کے ایک اور وزیراعظم حسین شہید سہروردی بھی دام الفت کا شکار ہوئے۔ اُن کی دوسری اہلیہ کا تعلق روس سے تھا۔ وہ ماسکو آرٹ تھیٹر سے وابستہ ایک روسی اداکارہ تھیں۔ ان کا نام ویرا الیگزینڈرونا کالڈر تھا۔ شاید یہی وجہ تھی کہ حسین شہید سہروردی کا پاکستان میں جاری روس امریکہ کشمکش کے دوران جھکاو روس کی جانب تھا۔

پاکستان کے ساتویں وزیر اعظم ملک فیروز خان نون کی اہلیہ بیگم وقار النسا نون کا تعلق اسٹریا سے تھا۔ ان کا پیدائشی نام وکٹوریہ ریکھی تھا۔ ملک فیروز خان نون جب برطانیہ میں حکومت ہند کے ہائی کمشنر تھے تب ان کی ملاقات وکٹوریہ سے ہوئی۔ جس کے بعد دونوں کی محبت کا آغاز ہوا جو شادی پر منتہج ہوئی۔ بعد ازاں وکٹوریہ اپنا مذہب اور نام ترک کر کے بیگم وقار النسا نون ہوگئیں۔ یہ خواتین کی آزاد خیالی کی حامی اولین تنظیم اپواء کے بانیوں میں شامل تھیں۔ پاکستان میں تعلیم کو سیکولر خطوط پر ڈھالنے میں ان کا اہم کردار ہے۔

ہنی ٹریپ کا دوسرا شکار پاکستان کا آخری گورنر جنرل اور پہلا صدر سکندر مرزا تھا۔ جسے یہ اعزاز بھی حاصل ہے کہ وہ معروف غدار میر جعفر کا پڑپوتا تھا۔ اس کی دوسری اہلیہ ناہید افغامی سے محبت اور شادی کو باقاعدہ ایرانی انٹیلیجنس کا کارنامہ قرار دیا گیا ہے۔ یاد رہے کہ اُس وقت کی ایرانی انٹیلیجنس امریکی سی آئی اے کا ایک ذیلی ادارہ سمجھی جاتی تھی۔ نائید افغامی پاکستان میں ایران کے ملٹری اتاشی کی بیوی کی حیثیت سے پاکستان آئیں۔ ایران کے ڈیفنس اتاشی کی اہلیہ کی حیثیت سے اُن کی ملاقات اُس وقت کےڈیفنس سیکرٹری میجر جنرل سکندر مرزا سے ہوئی۔ ملاقاتیں محبت میں بدل گئیں۔ پھر نائید نے اپنے ایرانی شوہر سے طلاق حاصل کر کے اسکندر مرزا سے شادی کر لی۔ میجر جنرل سکندر مرزا کے چور دروازے سے اقتدار میں آنے کے بعد نائید ملک کے سیاہ اور سفید کی مالک بن گئیں۔ اس دور میں ایران اور امریکہ کے مفاد میں ہونے والے اقدامات کی تفصیل کے لیے ایک پوری کتاب درکار ہے۔

پاکستان کے دوسرے فوجی آمر آغا محمد یحیٰ خان کا کردار اتنا گھنونہ ہے کہ اُس پر بات کرت ہوئے گھن آتی ہے۔ خیال کیا جاتا ہے کہ یحیٰ خان کی داشتہ اقلیم اختر المعروف جنرل رانی بھی غیر ملکی انٹیلی جنس ایجنسیوں کی ایجنٹ تھی۔

ایرانی انٹیلیجنس کا دوسرا کارنامہ ذولفقار علی بھٹو کو دام الفت میں گرفتار کرنا قرار دیا جاتا ہے۔ ذوالفقار علی بھٹو کی دوسری اہلیہ بیگم نصرت اصفحانی کا تعلق ایران کے شہر اصفحان سے تھا۔ وہ گریجویشن کے بعد پاکستان آئیں، جہاں کراچی میں اُن کی ملاقات بھٹو سے کرائی گئی۔ جو پہلے محبت اور پھر شادی کا باعث بنی۔ ذولفقار علی بھٹو کے کئی اقدامات کے پیچھے نصرت بھٹو کی وساطت سے ایرانی اثرات کو محسوس کیا جا سکتا ہے۔
یہ بھی حقیقت ہے ذولفقار علی بھٹو کی اقتدار سے برطرفی کے بعد میں سزائے موت کے بعد ان کا خاندان افغانستان اور پھر شام منتقل ہوا۔ دونوں ممالک اُس وقت ایران کے زیر اثر تھے۔ خاندان کے باقی افراد بعد ازاں مغربی ممالک چلے گئے لیکن دہشت گردی کی متعدد وارداتوں میں پاکستان کو مطلوب میر مرتضیٰ بھٹو شام میں ہی مقیم رہے۔ جن کی اہلیہ غنویٰ بھٹو کا تعلق بھی شام سے ہے۔

بدھ، 27 جون، 2018

100 کاروباروں کی فہرست

تحریر و ترتیب ۔۔۔ کنور ایم عابد

100 کاروباروں کی فہرست

آپ بھی لازماً ان میں سے کوئی ایک کاروبار کرنے کے قابل ہوں گے۔تو سیکھیے۔اور شروع کیجیے۔

1 : کپڑے کا کاروبار

2 : دودھ ، دہی کاکاروبار

3 : ہوٹل ، ریسٹورنٹ

4 : بچوں کے کھلونے

5 : برتنوں کا کاروبار

6 : کتابوں کی تجارت

7 : الیکٹرونکس کا کاروبار

8 : موبائل کا کاروبار

9 : مختلف علوم کی ٹیویشن

10 : ڈیزائنگ ، گرافکس

11 : فرنیچر کا کاروبار

12: زرعی پیداوار کی خرید و فروخت
جس چیز کی جہاں فراوانی ہو وہاں سے خرید کر دوسرے مقام پر جہاں اسکی ضرورت محسوس کی جاتی ہو وہاں فروخت کردی جائے .

13: پرندوں کی پرورش یا پرندوں کی تجارت. ہو سکے تو دونوں. اس میں بہت سی ورائٹیز ہیں.

14 : شترمرغ فارمنگ

15 : ہربل میڈیسن

16 : کهمبی کی کاشت

17 : ردی بھنگار کا کاروبار

18 : پرچون مصالحہ جات

19 : جنرل اسٹور

20 : اسکول اسٹیشنری

21 : چپل جوتوں کی دکان

22 : آئس کریم شاپ

23 : عطر ، لوبان ، اگربتی

24 : پان کی دکان

25 : پان سے متعلق سامان کی دکان

26 : مچھلیاں

27 : مرغیاں

28 : مچھلیاں شوقیہ پالنے والی

29 : مچھلی فرائی کرکے بیچنا

30 : نیوز پیپر اسٹال

31 : پانی ، منرل واٹر

32 : ماربل ،گرینائٹ

33 : ٹائلس

34 : سانیٹری

35 : ہارڈویئر

36 : بیکری

37 : ریئل اسٹیٹ ، پلاٹ ، زرعی اراضی کی بیع و فروخت

38 :عینک کی دکان.

39 :گھڑی فروشی اور مرمت.

40 : زیراکس اور موبائل ریچارج.

41 : آن لائن فارم بھرنا ، اور ٹکٹس بکنگ.

42 : ہوم نیڈس. جیسے صاف صفائی کے جدید آلات وغیرہ.

43 : امپورٹ ایکسپورٹ

44 : مینوفیکچررینگ

45 : گارمینٹس

46 : فرینچائیزی

47 : مینپاورسپلائے.

48 : کیٹرینگ

49 : جوئن وینچر

50 : لیبرسپلائے

51 : انٹرپرینرشیپ

52 : اسکول اور ٹیوشنس

53 : اسپتال

54 : اسلامک بینک

55 : فرنیچر

56 : امیٹیشن زیور

57 : گلاس کروکری

58 : مارکیٹینگ

59 : ہال

60 : ڈیکوریشن

61 : نیو اورجونی بائک کار سپلایر

62 : فولڈ ایبل فرنیچر

63 : کمپیوٹر اور اےسی Aanual mantainance contract

64 : پرینٹینگ پریس

65 : ویبسائٹ ڈیسائنگ

66 : ھوڑڈئنگ اور بوڑڈنگ ورک

67 : الومینم سلائڈنگ ورک

68 : گریل فیبریکیشن

69 : ایپس ڈیلوپنگ

70 : پیکیپ ڈراپ کونٹریکٹ(اسکول,آفسیس)

71 : لیدر ورک ( بیگ,بیلٹ,جیکِٹ وغیرہ)

72 : کوریر سرویسیس

73 : ٹائر ریمونڈینگ ,سیل ,وِیل بیلینسینگ, الا ئنگمینٹ, پنچر سرویسیس

74 : ٹِیفِنس سرویس(بیسی کا کھانا)

75 : شوپنگ مال

76 : جیوس سینٹر

77 : کسٹم کلیرینگ

78 : لیبارٹری

79 : ٹمبر مارٹ.

80 : رڈیمیڈ مسالوں کا کاروبار (..مسالہ اتنا ریڈی میڈ ہو کہ پانی اور گوشت تیل کے علاوہ تمام ضرورت کو پورا کردے.)

81 : کسی بھی مشہور پروڈکٹ کی ایجنسی (جیسے بسلیری وغیرہ جس کی مارکیٹینگ نہ کرنا پڑے لوگ ڈھنونڈ کر آئے )

82 : زری ، آری ، دردوزی گارمیننٹس کا را (raw material) سپلائے.( ویرائٹی اتنی ہو کے کالے کلر میں بھی 12 شیڈ کے دھاگے ہو آپ کی دکان میں.کوئی واپس نہ جائے.)

83 : پیکنگ انڈسٹری (,attractive printed paper bag,cartoon & box )

84 : پیکر اینڈ مور سرویسیس (زمین کے علاوہ ہر چیز شفٹ کرنے کی گیرنٹی...)

85 : ایمبو لینس

86 : فیٹنیس سینٹر ( aerobic,special bath facility, latest machine) جان ہے تو جہان ہے.کچھ دنوں کا جزبہ اگلے ہفتے نیو ایڈمیشن....

87 : ایڈورٹائسمیینٹ ایجنسی( 3D بینر، بلون، ) unique ideas کے ساتھ.

88 : ٹاوینگ وین.( بڑی شو روم کی گاڑیاں ایکسیڈینٹ یا خراب ہونے پر پرائیویٹ ٹوچن والوں کو ہی بلایا جاتا ہے 1800 سے بھاڑا شروع ہوتا ہے جیسا گراہک ویسی پڑی.ساتھ میں ٹرافیک چوکی میں بھی کافی کام ہے.بس آفیسر سیٹ بزنیس سیٹ...

89 : ویکیشن ٹور : ایک رات دودن. وغیرہ . weekend میں لوگ شہر سے باہر جاکر فرسٹریشن نکالتے ہیں .صرف ایک بار بس ، ہوٹل سب سے سیٹینگ .ان کو کسٹمر اور آپ کو بزنیس مل جاتا ہے.

90 : کنسلٹینسی سرویس:( جس میں آپ کو مہارت ہو.

91 : آٹو سرویس

92 : مختلف ڈیپارٹمنٹل اشیا کی سیلز مین کا کام جیسا کہ ٹافی ٹکیاں پاپر چپس..

93 : بیکری کی اشیا کی ڈلیوری شاپ ٹو شاپ.

94 : موٹرسائیکل سپیر پارٹس کی دوکان.
دوکان کے بغیر سپیر پارٹس کی سپلائی.

95 : انڈوں کا کاروبار ان کی سپلائی

96 : چوزوں کی سپلائی کا کاروبار

97 : پلاسٹک کے برتن بنانے کا کارخانہ

98 : جس نے آی ٹی کی ہو اس کے لیے سب بیسٹ انٹرنیشنل سطح پر کاروباری لوگوں کے لیے موبائلز سافٹ وییرز بنانا....

* اسی طرح کسی سافٹ وییر کو پلے سٹور پر یا پھر آی او ایس میں شامل کروانا مع قیمت...... یعنی سافٹویئر ڈویلپر

99 : منگ ، تور ، مٹر ، چولی ، چنا ، کسان سے ٹھوک بھاؤ میں خرید کر مشین سے دال بنا کر پالیس کر کے بازار میں خوبصورت پیکیج بناکر فروخت کیا جائے.

100 : چشموں کا کاروبار
فینسی سنگلاسیس اور نمبر والے فریم بنا نمبر لینس کے آن لائن بھی فروخت کر سکتے ہے
ساتھ ہی بیلٹ, وائلٹ, لیڈیس پرس اور فیشن سے جڑی بہت سی اشیاء۔

منگل، 26 جون، 2018

سوئیڈن میں لوگوں نے جسم میں مائیکرو چپ لگوانا شروع کر دی



سوئیڈن میں لوگوں نے جسم میں مائیکرو چپ لگوانا شروع کر دی


ہزاروں افراد نے خود کو جدید دور کی نئی تبدیلی کی پیش کر دیا ہے اور اب وہ گاڑی کی چابیوں، اے ٹی ایم اور کریڈٹ کارڈز اور بسوں، ٹرینوں اور ٹرام کے ٹرانسپورٹ کارڈ سے چھٹکارا حاصل کرنے کیلئے اپنے جسم میں مائیکرو چپ نصب کروا رہے ہیں۔


اس کا مطلب یہ ہوگا کہ اپ کی جِلد کے نیچے نصب ایک چھُپی ہوئی چھوٹی سی مائیکرو چپ آپ کے روزمرہ استعمال کے کارڈز، چابیاں اور پرس کھو جانے سے بچنے میں مدد فراہم کرے گی۔


اسمارٹ فون کے بعد اسمارٹ پیپل بننے کا رجحان تیزی سے جاری ہے اور لوگ خود کو رضاکارانہ طور پر اس تبدیلی کی پیش کر رہے ہیں۔
یہ چپ شہادت کی انگلی اور انگوٹھے کے بیچ میں نصب کی جاتی ہے اور اس کی مدد سے صارفین اپنی کار اسٹارٹ کر سکتے ہیں، انہیں بس، ٹرین یا ٹرام کا کرایہ ادا کرنے کیلئے پرس کی ضرورت نہیں ہوگی، صرف مخصوص مشین پر ہاتھ پھیرنے سے ادائیگی ہو جائے گی اور اس طرح کے کئی دیگر کام باآسانی کیے جا سکیں گے۔

پیر، 25 جون، 2018

پنجابی کلینڈر ۔۔۔ دیسی دن وار

*پنجابی (دیسی) کیلنڈر*

برِصغیر پاک و ہند کو یہ اعزاز حاصل ہے کہ اس خطے کا دیسی کیلنڈر دنیا کے چند قدیم ترین کیلنڈرز میں سے ایک ہے۔ اس قدیمی کیلنڈر کا اغاز 100 قبل مسیح میں ہوا۔ اس کیلنڈر کا اصل نام بکرمی کیلنڈر ہے، جبکہ پنجابی کیلنڈر، دیسی کیلنڈر، اور جنتری کے ناموں سے بھی جانا جاتا ہے۔

بکرمی کیلنڈر کا آغاز 100 قبل مسیح میں اُس وقت کے ہندوستان کے ایک بادشاہ "راجہ بکرم اجیت" کے دور میں ہوا۔ *راجہ بکرم کے نام سے یہ بکرمی سال مشہور ہوا۔ اس شمسی تقویم میں سال "ویساکھ" کے مہینے سے شروع ہوتا ہے۔*

تین سو پینسٹھ (365 )دنوں کے اس کلینڈر کے نو مہینے تیس (30) تیس دن کے ہوتے ہیں، اور ایک مہینا وساکھ اکتیس (31) دن کا ہوتا ہے، اور دو مہینے جیٹھ اور ہاڑ بتیس (32) بتیس دن کے ہوتے ہیں۔

*1. ویساکھ ਵੈਸਾਖ*
(وسط اپریل – وسط مئی)

*2. جیٹھ ਜੇਠ*
(وسط مئی – وسط جون)

*3. ہاڑھ ਹਾੜ*
(وسط جون – وسط جولائی)

*4. ساون ਸਾਵਣ*
(وسط جولائی – وسط اگست)

*5. بھادوں ਭਾਦੋਂ*
(وسط اگست – وسط ستمبر)

*6. اسو ਅੱਸੂ*
(وسط ستمبر – وسط اکتوبر)

*7. کاتک ਕੱਤਕ*
(وسط اکتوبر – وسط نومبر)

*8. مگھڑ ਮੱਘਰ*
(وسط نومبر – وسط دسمبر)

*9. پوہ ਪੋਹ*
(وسط دسمبر – وسط جنوری)

*10. ماگھ ਮਾ*
(وسط جنوری – وسط فروری)

*11. پھاگن ਫੱਗਣ*
(وسط فروری – وسط مارچ)

*12. چیت ਚੇਤ*
(وسط مارچ – وسط اپریل)

بکرمی کلینڈر (پنجابی دیسی کیلنڈر) میں ایک دن کے آٹھ پہر ہوتے ہیں، ایک پہر جدید گھڑی کے مطابق تین گھنٹوں کا ہوتا ہے.

*ان پہروں کے نام یہ ہیں:*

*دھمی ویلا:* صبح 6 بجے سے 9 بجے تک کا وقت

*دوپہر ویلا:* صبح کے 9 بچے سے دوپہر 12 بجے تک کا وقت

*پیشی ویلا:* دوپہر کے 12 سے دن 3 بجے تک کا وقت

*دیگر ویلا:* سہ پہر 3 بجے سے شام 6 بجے تک کا وقت

*نماشاںویلا:* رات کے اوّلین لمحات، شام 6 بجے سے لے کر رات 9 بجے تک کا وقت

*کفتاں ویلا:* رات 9بجے سے رات 12بجے تک کا وقت

*ادھ رات ویلا:* رات 12 بجے سے سحر کے 3 بجے تک کا وقت

*اسور ویلا:* صبح کے 3 بجے سے صبح 6 بجے تک کا وقت

*لفظ " ویلا " وقت کے معنوں میں بر صغیر کی کئی زبانوں میں بولا جاتا ہے۔*

بدھ، 20 جون، 2018

Tu Mujhe Jab Nazar nahi Aata .....تو مجھے جب نظر نہیں آتا



سیمی ہاشمی کی خوبصورت آواز میں ایک بہترین غزل

تو مجھے جب نظر نہیں آتا
چین بھی لمحہ بھر نہیں آتا
جب نکلتا ہے تیری خواہش میں
دل کبھی لوٹ کر نہیں آتا
آشنائی ہے اس کی سب سے مگر
وہ فقط میرے گھر نہیں آتا

جانگلوس ۔۔۔ سب رنگ کا مشہور سلسلہ ۔۔حصہ دوم


جانگلوس کہانی کا دوسرا حصہ یہاں سے ڈاؤنلوڈ کرین

جانگلوس ۔۔۔ سب رنگ کی ایک مشہور اور بہترین کہانی تھی جو کافی سال تک قسط وار سب رنگ ڈائجسٹ کی زینت بنی رہی ۔۔یہ کہانی ہمارے آس پاس رہنے والے انسانوں کی ہے جو زندگی کے دشوار گزار رستوں میں گزرتے ہوئے اپنے نقوش چھوڑتے چلے جاتے ہیں۔

منگل، 19 جون، 2018

جانگلوس ۔۔۔ سب رنگ کا مشہور سلسلہ






 جانگلوس ۔۔۔ سب رنگ کی ایک مشہور اور بہترین کہانی تھی جو کافی سال تک قسط وار سب رنگ ڈائجسٹ کی زینت بنی رہی ۔۔یہ کہانی ہمارے آس پاس رہنے والے انسانوں کی ہے جو زندگی کے دشوار گزار رستوں میں گزرتے ہوئے اپنے نقوش چھوڑتے چلے جاتے ہیں۔ کارل مارکس کہتا ہے کہ ۔۔۔یہ ثابت کرنا بہت مشکل ہے کہ جاگیرداروں اور نجی جائیدادوں کے کے موجودہ حقوق کس بنیاد پر جائز ہیں ۔۔۔ سب سے پہلی دستاویز تو تلوار کی نوک سے تحریر کی گئی جسے جرنیلوں اور سپاہیوں نے اپنے ہاتھ سے لکھا اور قیمت کے عوض تلوار ، خنجر اور نیزے کی ضربیں لگا کر انسانی خون سے مہریں ثبت کیں ۔۔۔۔۔

پیر، 18 جون، 2018

Larki mardon se eid miltey howey...ایک لڑکی نے مسلم نوجوانوں کو عید ملنے کی دعوت دے دی

ہندوستان۔۔۔مرادآباد میں کانٹھ روڈ پر واقع ویو مال کے باہر ایک لڑکی نے مسلم نوجوانوں کو عید ملنے کی دعوت دے دی۔۔۔۔۔۔ درجنوں لوگ لڑکی سے گلے ملنے کے لئے بےچین ہو گئے اور پھر دیکھتے ہی دیکھتے نوجوانوں کی بھیڑ جمع ہو گئی۔

اتوار، 17 جون، 2018

ایک اور بیوی کا اتقام ۔۔۔ خاوند کا عضو تناسل کاٹ ڈالا


تھانہ ہئیر کی حدود میں خاوند کے دوسری خاتون سے تعلق پر بیوی نے خنجر کے وار کر کے خاوند کا عضو تناسل کاٹ ڈالا ۔۔زرائع کے مطابق خاوند کو فوری طور پر شدید زخمی حالت میں مقامی ہسپتال منتقل کر دیا گیا ہے ۔۔۔ جہاں عضو تناسل کے ماہر ڈاکٹروں کی ایک ٹیم نے متاثرہ شخص کے عضو تناسل کو بڑے سلیقے سے اپنی جگہ پر جوڑ دیا ہے۔۔۔مریض کی حالت اب خطرے سے باہر بیان کی جاتی ہے۔ یاد رہے کہ سال 2018 میں یہ بیویوں کے انتقام کا دوسرا واقعہ ہے ۔۔۔ پہلے واقعے میں بیوی نے خاوند کی بیوفائی پر اس کا عضو تناسل جڑ سے اکھاڑ پھینکا تھا ۔۔۔

منگل، 5 جون، 2018

Shetan Aor nafs شیطان اور نفس

رمضان میں اگر شیطان بند ہے تو پھر برائیاں کیوں ؟ سنئے آڈیو میں ۔۔۔۔۔

Alama iqbal ka kalam... Imamat

Pakistan Election 2018 ka aik Tajzia

Imran khan ko peyar bhari batin..PTI ko galiyan

Baghawat farz hoti hai

Bey los shakhs aor qameez ka pichla pallu

Aashqi....Muhabat aor sikey

Ullu ka dais....الوؤں کے دیس میں

Kise se panga mat lain

Mazhabi fraud..ulti dhamal..mera peya ghar aaya

Imran khan ki 4th wife...aman ki nawaz sharif ko nangi galiyan

Pakistan politics Today .. Nawaz Shahbaz is gone

What is Shora and how to make a big shora

23 March 2018 Night at Minar-e-Pakistan in Lahore

How to Add your Location on Google MAP in Android Phone/urdu & Hindi

How to download youtube video in mobile phone

How to download facebook video without any app

Jo Chaho Khared Lo

Sexy Mind and Our society

What is Feeling (aihsas kia hai ?) urdu and hindi

Ishaq Aor Muhabat ( True Love ) urdu and Hindi

What is dream and psychology of dreams ( urdu )

Men's Sex, and Sexual Health

how to use screen recorder very simple

how to hide folder in android Phone

Google keybord in URDU for android Mobile Phone ,,How To Change URDU Voi...

Urdu Poetry..Kis Shan se jete they yahan Khuwar howe keyon

History Of Lahore City

Gharida Farooqi torture case & Poor Servant

How to make blogspot blog or website in urdu

Protest Against PTV (Pakistan television)

How to use google adsense in Urdu and Hindi

fruit strike 1st day in Lahore

fruit strike 2nd day in Lahore

Main Nai Khud Ko Chupa lia Khud Main by ibn azeem fatmi karachi

Main Aor Tum ( Mujhe ilm hai ke mujhe aik din marna hai

History Of choor thag aor daku urdu and hindi part 1

Aihsas Bartri aor Aihsas Kamtri urdu and hindi

Tu hi bata main in se pecha chuRaon kesey .. poetry by ibn azeem fatmi

Kis da dosh se kis da nahi ...Punjabi poetry by muneer niazi

One Four T&T Phone time code 14 ( True Story ) Ptcl code

syria chemical attack ( gas used in Syria chemical attack)

pakistan dirty politics ( Dirty Politics by Pakistani Politicians )

Short history of Zulfiqar ali bhutto and PPP

how to be satisfied with yourself & your Life (Zehni Sakoon Hasil Karin)

What is Respect ...Feeling of respect ... Azzat kia hai

Aqal aor Islam ( Alhad kia hai.Dehria aor Islam ) part 1

Hindustan main qadeem madaras ki tarekh part 2

Hindustan main qadeem madaras ki tarekh part 1

History Of Lahore Bomb Blast ( history of pakistan suicide attack )

log rakhte hain bhi dilon main najane kia kuch....by IBN-E-AZIM FATMI

Jane keyon ab koi marta hai to hansta hon main....Ghazal by IBN-E-AZIM F...

Kahi aor un kahi batin

Manto ke Afsane Shaheed saaz se aik Aqtbas

girl breast development stages (Pastan,Girls chest and Women chest) part 2

girl breast development stages (Pastan,Girls chest and Women chest) part 1

Muneer Niazi Punjabi Nazam ( hun je mile te rook ke puchan ..wekhia e ap...

Pakistani Society ,Women and Sex

aorat ki masharti Hasiat aor us ka tarekhi jaieza ( part 1)

Biwe Ka Ashiq

History of Shalimar Garden Lahore Pakistan

social media analysis Weekly 29 Jan 2017

What is Jinn's Possession ( Jinn,Bhoot,Churail Kia hain) Urdu & Hindi

social media analysis (Weekly facebook,Twitter,Google plus social media ...

Saadat Hasan Manto (Death anniversary of Saadat Hassan Manto today) Urdu...

How to Make Money on YouTube! (2017)

how to make your android phone charge faster

Free Facebook Whats app and Twitter

New year 2017 celebration at Lahore Pakistan

Great People

Marriage Education (family planning) Hindi & Urdu

How To Download any youtube video on your mobile phone ..Hindi/Urdu

How To Download Facebook Video Very Simple ..Hindi/Urdu

How To Download Youtube Video Very simple Hindi/Urdu

The Social Contract in URDU/HINDI

How to Start a Business With No Money ...urdu/hindi

Wo Bulaien To Kia Tamasha Ho by Saghar Saddiqui Urdu/Hindi

Chiragh Toor Jalao Bara Andhera hai ( Saghar Saddiqi)..Urdu

Pia plane crash history

Bulleh Shah Poetry in Urdu / Hindi / Punjabi

Philosophy in Urdu / Hindi

Pakistani egg ( گرم آنڈے اور بوائلر عورتیں )

how to change yourself

How to start your own wastage items business

pakistani peoples Talk

pakistan and china sea pack